O cuestionario do Atlas Lingüístico de la Península Ibérica, no que se recollen os conceptos polos que se preguntaba nas enquisas, tardou anos en redactarse. Navarro Tomás explica que, para axilizar o proceso, sería necesaria a intervención de Menéndez Pidal, que estaba inmerso nunha época de intenso traballo, de xeito que finalmente case toda esta tarefa recaeu no propio Navarro Tomás. Na etapa inicial Amado Alonso traballou con Navarro Tomás na redacción do cuestionario, coa colaboración de Ángel Lacalle, pero a súa marcha a Bos Aires para dirixir o Instituto de Filología desanimou a Navarro Tomás e atrasouno todo. Finalmente en 1930 imprimíronse os tres cadernos que forman o cuestionario definitivo: un Caderno I —para a fonética, a morfoloxía e a sintaxe— e dous cadernos distintos para estudar o léxico. Estes cadernos fixéronse tendo en conta os cuestionarios do Atlas Linguistique de la France (ALF) e os do Sprach- und Sachatlas Italiens und der Südschweiz (AIS). Dos cadernos dedicados ao léxico, o Caderno II E era máis amplo; e o Caderno II G, máis reducido.
Para obter materiais relacionados coas cuestións de fonética, no Caderno I incluíronse:
una serie de conceptos designados con denominación unánime en todo el territorio. Figuran en la misma sección los puntos de morfología y sintaxis que se consideraron susceptibles de someter a interrogatorio. Los resultados probaron las ventajas de introducir esta novedad. Quedó formado el cuestionario por un cuaderno de fonética y gramática con 411 puntos y otro de vocabulario con 833.
(Navarro Tomás 1975: 13-14)
Como xa se anotou, do Caderno II, dedicado ao léxico, fixéronse dúas versións: a IIE, que tiña 50 páxinas, e a IIG, de 27 páxinas. Na maior parte dos puntos de enquisa empregouse o cuestionario máis extenso, que inclúe moitas preguntas subdivididas á vez en bastantes cuestións abertas. Só se utilizou o Caderno IIG en 35 localidades. Sabemos que, como apoio ao cuestionario, os enquisadores empregaron un álbum de láminas e algúns obxectos.
A Introducción ao ALPI repasa os principais contidos do cuestionario léxico:
Se hacían preguntas referentes a la configuración del terreno, meteorología y astronomía, flora, fauna, cría y aprovechamiento de los animales domésticos, ganadería, matanza del cerdo, el cuerpo humano y sus enfermedades, la familia con el nacimiento, la boda y la muerte, los vestidos y las comidas tradicionales, la casa con los muebles y los utensilios de cocina, las diversas labores agrícolas, la siega y la trilla, la vid y el vino, las medidas tradicionales de superficie, de líquidos, de áridos, etc, la apicultura, la confección de quesos, los oficios antiguos como el albañil, el carpintero, el herrero, el molinero, el zapatero, etc.
Polo seu interese, inclúense aquí os cuestionarios que serviron de base para as enquisas do atlas:
Cuaderno I
